En cuestión de semanas podería probarse a vacina de Novavax, de antíxeno fabricado no Porriño, na empresa Biofabri, do grupo galego Zendal. Anunciouno o xefe de Vacinas da Axencia Europea do Medicamento (EMA, polas súas siglas en inglés), Marco Cavaleri.
Os expertos afirman que as vacinas de proteínas purificadas, como a de Novavax, teñen moito futuro e que mesmo poderían cambiar o curso da pandemia grazas á súa eficacia, inmunoxenicidade e mellor conservación que as vacinas de ARNm actuais, como da Pfizer ou Moderna.
A fórmula anti-COVID de Novavax está na primeira liña de saída tras o abandono, fai algo máis dun mes, da vacina alemá de ARN mensaxeiro (ARNm) Curevac, que cultivou malos resultados.
