Despois de 13 discos de estudio, Carlos Goñi, tras 45 anos de carreira musical, quixo facer un disco de versións e por iso vén de publicar o pasado 12 de abril Playlist, un disco de 11 cancións, que inclúe tributos desde a Leo Dan co seu Te he prometido (1969) ata cancións de Amaral, Elefantes, Leiva ou La quinta estación. Estas últimas son de cantautores todas elas que son uns dez anos máis novos que Goñi. Deste xeito aproveita Revólver para reivindicar que se seguen facendo boas cancións en España sen ter que remontarnos a moitísimas décadas atrás.
Revólver comezará a súa xira con Playlist en Galicia. Actuará o venres 3 de maio en Ferrol e o sábado 4 de maio en Vigo. Avanzou Carlos Goñi na súa entrevista en SI RADIO que tocará un repertorio misturado, soarán cancións do seu último traballo discográfico pero non faltarán os grandes clásicos aclamados polo público concerto tras concerto.
A ENTREVISTA COMPLETA A CARLOS GOÑI, en dúas partes:
