Podíanse solicitar desde este 14 de abril ás 00.00 horas e as doce do mediodía xa estaban esgotados. Os bonos turísticos habilitados pola Xunta como medida para apoiar un sector tan castigado pola pandemia. Son bonos para as galegas e galegos para establecementos hostaleiros de Galicia.
O presidente da Xunta, Alberto Núñez Feijóo:
Tras o Consello da Xunta deste xoves, Feijóo fixo pública a propia «sorpresa» da Xunta pola boa acollida desta iniciativa, que durou menos de doce horas», e anuncia que seguirán traballando co sector.
«Tivo máis impacto do que pensabamos», asegurou; e pide desculpas a quen non puido adquirir o bono.
Os cartóns de 500 euros foron as máis demandadas, copando o 82 % das solicitudes presentadas, mentres que o 10,3 % das pedidas foron as de 375 euros, e o 7,3 % restante foron de 250 euros.
A Xunta achega o 60 % desas cantidades, o 40 % restante corre a cargo do beneficiario, que deberá abonar o diñeiro no prazo de tres días desde que se lle comunique a concesión do bono turístico.
