O Concello de Baiona organiza este sábado, 16 de maio, ás 10:30 horas unha Xornada sobre a Eclipse Solar do vindeiro 12 de agosto. O evento terá lugar na Casa da Navegación de Baiona.
A actividade consta de dúas partes, por unha banda unha charla-coloquio que ten por título “Astronomía da eclipse e observación segura” onde participarán os poñentes Begoña Estévez Brao e Antonio Pazos Pérez.
De seguido, en torno ás 12:30 horas, terá lugar no Paseo Pinzón a “Observación solar con telescopio e explicación do uso de gafas da eclipse“.
A actividade é gratuíta e está dirixida a familias e público en xeral. O obxectivo, por unha banda, comprender o que é unha eclipse, e tamén concienciar sobre a importancia de observalo coas garantías necesarias.
