Do 9 ao 11 de xullo a vila do Louro celebra unha das súas festas patronais cun programa cargado de actividades no barrio de San Bieito.
O Concello do Porriño celebra esta fin de semana unha das súas festas patronais, a Festa de San Bieito.
A programación arrancará o sábado 9 de xullo, a partir das 21.00 horas, coa verbena a cargo do Grupo Trópico, a Orquestra Ritmo Joven e a sesión de DJ Samu Pexe. A música continúa o domingo 11 de xullo, á mesma hora, da man de Antonio Barros, Dos pájaros y un trío e a sesión dj de Khris Guez.
O luns 11 de xullo, o día grande das festas, chega cargado de actividades. Ás 12.00 horas comezará a misa na honra a San Bieito seguida da procesión, amenizada pola Agrupación Musical do Porriño. A continuación, terá lugar aos pés da capela a tradicional poxa. Xa pola noite, a partir das 21.00 horas, verbena a cargo do Grupo Distrito 7 e Orquestra Charleston Big Band; pechará a sesión Dj Pitty.
Os máis pequenos poderán disfrutar tamén da festa da auga e animación infantil.
O alcalde, Alejandro Lorenzo, animou á veciñanza do Porriño e dos concellos da contorna a visitar a vila e “desfrutar xunto aos veciños e veciñas de San Bieito destas festas con tanto arraigo».
