Celebrarase o vindeiro domingo, día 10, ás 19.00 horas no Pazo de Mos.
A Asociación de Maiores, Pensionistas e Xubilados de Mos (Asomamos) retoma o seu tradicional Certame de Corais Memorial Constante Lago, que chega á súa décima edición.
Asomamos organiza este encontro coral que terá lugar o vindeiro domingo, 10 de xullo, a partir das 19.00 horas, no Pazo de Mos.
Ademais da coral polifónica anfitrioa, Aomamos, actuarán as corais Riomao do Calvario-Vigo e Alborada de Cabral-Vigo.
A entrada será libre e de balde ata completar aforamento.
