O alcalde de Arbo, Horacio Gil, sinala que esta instalación permite que as persoas de máis idade “estean ben acompañadas e reciban a atención que necesitan preto das súas casas e parroquias, tal e como prefiren”. Gil destacou a importancia de iniciativas como esta para axudar na conciliación laboral e persoal dos familiares que se atopan no coidado dos anciáns.
As casas do maior é un servizo profesional que funciona como pequenos centros de día en concellos de menos de 5.000 habitantes.
Estas dúas casas do maior están nas dúas vivendas dos mestres que o Concello cedeu á Asociación Cooperativa Galega para o seu acondicionamento e xestión do servizo.
