A Garda Civil de Cangas investiga a un veciño de 29 anos como principal responsable dunha plantación de marihuana incautada na localidade, onde se interveñen 31 plantas de cánnabis, 22 delas de grandes dimensións.
Por mor das investigacións realizadas por efectivos de Seguridade Cidadá do Posto da Garda Civil de Cangas, sumados ao forte cheiro a marihuana que había nunha leira, pódese apreciar desde o exterior unha agrupación de grandes plantas de suposta marihuana baixo unha especie de alpendre a modo de invernadoiro, co teito de plástico, así como varias plantas máis, diseminadas e ocultas entre a vexetación da leira.
