O lugar elixido polo PSOE para iniciar a campaña electoral foi Vigo. No inicio da campaña socialista, o secretario xeral do PSdeG, Valentín González Formoso, estivo acompañado do alcalde de Vigo, Abel Caballero, así como dos principais candidatos do partido na provincia, como o cabeza de lista ao Congreso, David Regades, ou a cabeza de lista ao Senado, Carmela Silva.
Por parte do Partido Popular, o acto de pegada de carteis celebrouse na Praza de Amboaxe, en Ferrol, onde participaron o presidente do PPdeG, Alfonso Rueda, o vicesecretario nacional de Organización do PP e cabeza de lista ao Congreso pola Coruña, Miguel Tellado, a secretaria xeral do PPdeG, Paula Prado, e o alcalde da cidade, José Manuel Rey Varela.
A localización elixida pola nova formación Sumar foi A Coruña, onde as candidatas de Sumar Galicia, Lois e Verónica Martínez Barbero, arrouparon a Yolanda Díaz na apertura da campaña.
Pola súa parte os nacionalistas escolleron pola súa parte a Praza do Toural, en Santiago, onde a encargada de presidir o acto foi a portavoz nacional do BNG, Ana Pontón.