Será o sábado 27 de maio e está destinado a escolares de toda a comarca, que nacesen entre o 2009 e o 2016
O Club Natación Mos, en colaboración co Concello de Mos, organiza unha nova edición do Campionato de Natación Escolar Val da Louriña, que este ano chega á súa décima edición. O campionato celebrarase na Piscina Municipal de Mos o vindeiro sábado 27 de maio ás 17.00 horas e a inscrición será gratuíta.
O campionato desenvolverase por categorías, que se corresponderán ao ano de nacemento e sexo, habendo medalla para os 3 primeiros clasificados por ano e sexo e diploma de “finisher” a todos os participantes.
A inscrición poderá realizarse ata o 23 de maio, tanto de forma física na Piscina Municipal de Mos como enviando un e-mail a: enviosmos@gmail.com
