O domingo 3 de xullo actuarán as corais da Asociación Veciñal Agarimo de Torneiros, Os Penediños de Atios e a Polifónica San Blas de Budiño
A Avenida de Galicia acollerá, a partir das 20.00 horas, o concerto no que participarán tres agrupacións porriñesas: a Coral da Asociación Veciñal Agarimo de Torneiros, a Coral Os Penediños de Atios e a Coral Polifónica San Blas de Budiño. Esta última estará acompañada pola reputada Banda de Música de Alcalá de Guadaíra, de Sevilla, con cuxo director, Ángel Lasheras, a coral de Budiño garda unha estreita relación.
