Será mañá mércores, ás 19.00 horas, na praza Arquitecto Antonio Palacios.
A Escola Municipal de Música do Porriño celebra este mércores, 22 de xuño, o seu festival de fin de curso no que participarán todas a agrupacións.
O evento comezará ás 19.00 horas na Praza Arquitecto Antonio Palacios e, en caso de choiva, trasladarase ao Círculo Recreativo Cultural.
Os asistentes poderán desfrutar das actuacións da banda, do conxunto de cordas, do colectivo de guitarras, o conxunto de música tradicional, as corais de nenos e adultos, así como dos grupos de música e movemento.
