Este ano inclúe unha gran novidade, a Copa SOMOSMOS
Os exteriores do Pazo de Mos acolleu a presentación do tramo de Mos do Rally Sur do Condado da Escudería Surco. O Rally Sur do Condado chega á súa décimo oitava edición e terá lugar o vindeiro mes de xullo, os días 8, 9 e 10. O tramo de Mos levarase a cabo o 9 de xullo pola mañá.
No acto estiveron presentes a alcaldesa de Mos, Nidia Arévalo; o concelleiro de Mocidade, Leo Costas; presidentes e directivos das AVV das parroquias polas que pasará o rally (Cela, Pereiras, Sanguiñeda e Tameiga); representantes da Escudería Surco e membros da empresa Altrans, que repite por segundo ano consecutivo dando nome ao tramo de Mos. Por suposto tamén estiveron presentes os grandes protagonistas, os pilotos mosenses participantes nesta competición icónica, xa que, ademais de presentarse o tramo mosense do Rallye Sur do Condado, presentouse unha singular novidade: a Copa SOMOSMOS.
Nidia Arévalo, alcaldesa de Mos:
Leo Costas, concelleiro de Mocidade:
Representantes da Escudería Surco:
Nela, previa inscrición gratuíta, os pilotos mosenses optan a un premio en metálico e trofeo á parella que marque o mellor tempo, sumadas as dúas pasadas ao tramo de Mos.
No acto de presentación entregóuselles tamén a cada piloto e copiloto a camiseta de Mos que lucirán os días do rally e uns adhesivos para o coche
