lunes, mayo 27, 2024
InicioNewsO PaísSae da UCI a muller de Carballo agredida pola súa parella

Sae da UCI a muller de Carballo agredida pola súa parella

Despois de 9 días, a veciña de Carballo, de 43 anos, que foi gravemente agredida pola súa parella de madrugada, saiu este martes da UCI e foi trasladada a planta logo de pasar 9 días na Unidade de Coidados Intensivos. 

 A muller de 43 anos agredida o 30 de maio supostamente pola súa parella en Carballo evoluciona favorablemente e pasou a planta despois de permanecer nove días na UCI.

Fontes sanitarias apuntaron que a muller agredida «evoluciona favorablemente» e está ingresada en planta no Complexo Hospitalario Universitario A Coruña (CHUAC).

O Xulgado de Instrución número 1 de Carballo decretou o pasado 1 de xuño o ingreso en prisión, comunicada e sen fianza, para a parella da agredida. O home foi detido tras entregarse á Garda Civil despois de fuxir do lugar dos feitos. Permanece investigado por homicidio en grao de tentativa, sen prexuízo de posteriores cualificacións conforme avance a instrución do caso.

A xuíza titular do Xulgado de Instrución número 1 de Carballo, que é o competente para asuntos de violencia sobre a muller no partido xudicial, tamén acordou unha orde de protección para a vítima e para os fillos da parella, o que implica que o home non pode aproximarse nin comunicarse con eles.

A maxistrada suspendeulle o exercicio da patria potestade e a custodia dos menores, que será asumida en exclusiva pola nai.

Os feitos polos que se lle investiga sucederon sobre as 2:45 horas do pasado 30 de maio no lugar de Fonte Caldeira, no municipio de Carballo, onde unha testemuña atopou á muller na rúa tras ser agredida e alertou á Garda Civil.

Despois dunha primeira asistencia no lugar, trasladou a muller ferida ao CHUAC.

Pola súa banda, os dous fillos menores de idade da parella permanecen baixo custodia dun familiar directo da vítima.

ARTIGOS RELACIONADOS

+ POPULAR

COMENTARIOS RECENTES