jueves, marzo 28, 2024
InicioComarcasLouriña264 persoas participan no programa Tempo de Lecer de Mos

264 persoas participan no programa Tempo de Lecer de Mos

Os 46 cursos ofertados a través do programa municipal impártense nun total de 19 asociacións

Os cursos do programa Tempo de Lecer, que ofrecen temáticas tan variadas como desde agricultura ecolóxica ata pilates, teatro, costura, pandeireta, herbas medicinais, bolillos, musicoterapia, cociña e repostería vexetariana… así ata un total de 46, están dotados de 40 horas de clase e xa comezaron todos a impartirse.
O que máis éxito de afluencia logrou ata o de agora é o de agricultura ecolóxica na A.V.V. Santa Baia de Mos, cun total de 23 persoas participantes.
Elia Lugilde Folgar, é a monitora de agricultura ecolóxica e tamén dá o curso de herbas medicinais no Centro Cultural Abrente. Esta técnica en produción agroecolóxica é tamén veciña mosense.
Os obxectivos do programa municipal Tempo de Lecer son fomentar o asociacionismo na vida sociocultural e comunitaria, facilitar ás persoas de Mos a posibilidade de ocupar o seu tempo de lecer con actividades de ocio formativas adaptadas ás súas posibilidades económicas, promover a participación social entre as persoas que máis o precisen, proporcionar alternativas de lecer no seu medio máis próximo e fomentar o uso do tempo de lecer en equipo.
O sistema para organizar e levar a cabo este programa é o seguinte: ofértase un listado dos diversos obradoiros, diferenciados por áreas e é a asociación a que elixe nos que desexa participar, así como a data e horario dos obradoiros, adecuándose ás súas necesidades.
Este programa está dirixido a tódolos veciños e veciñas maiores de 14 anos, empadroados/as no Concello de Mos ou que sexan membros dalgunha asociación inscrita neste Concello. O custo dos cursos para as persoas participantes é de 1 € por hora.
O programa Tempo de Lecer 2022 conta con diversos obradoiros que solicitaron nas asociacións. Son 19 asociacións as que solicitaron este ano participar no programa. En todo o ano teñen posibilidade de facer un total de 40 horas de obradoiro. Neste trimestre abril-xuño poden facer 2 obradoiros de 10 horas ou un de 20 horas e de setembro a decembro outro tanto.

O custo por hora dos obradoiros é de 1 euro por hora para os participantes e o Concello asume a diferenza do custo completo de cada obradoiro

ARTIGOS RELACIONADOS

+ POPULAR

COMENTARIOS RECENTES