viernes, marzo 29, 2024
InicioComarcasLouriñaO teatro volve ao Auditorio Municipal de Salceda polas Letras Galegas con...

O teatro volve ao Auditorio Municipal de Salceda polas Letras Galegas con Reino da Extinción

Trátase dunha comedia hilarante da dramaturga Laura Porto.

Este venres 13 de maio, encadrada nos actos polas Letras Gañegas organizados pola Concellería de Cultura, poderemos gozar do teatro profesional no Auditorio Municipal de Salceda de Caselas da man da compañía Amorodio Teatro presentando a súa obra “Reino da Extinción”.

Reino da extinción é unha comedia hilarante que conta a perspectiva de catro persoas de diferentes épocas da Historia galega que, forzadas a convivir nun Alén moi distinto do que imaxinaban, poñen a proba a nosa idea do que significa ser galegos, vivir en Galicia e falar a nosa lingua. Que define a Galicia? Será a comida excelente, a dúbida constante ou… Quizais a xente? E que é ser galega ou galego? Como é posible que unha personaxe da Prehistoria sexa tan galega coma unha do Século das Luces? Foi Galicia o mesmo en tódolos momentos da súa Historia? Cando comezou e cando rematará Galicia? Todo isto e máis descubrirémolo coa axuda dos nosos catro personaxes, bandeira de cadansúa época, a través dos seus divertidos encontros e desencontros neste Alén tan axitado que, por veces, paréceselle moito ao inferno!

As entradas están dispoñibles na Casa da Cultura Castelao a un prezo de 2,50€, ou no mesmo Auditorio Municipal antes da función.

A Concellería de Cultura e Normalización Lingüística que dirixe Álex Rodríguez completa os actos polas Letras Galegas o martes 17 de maio ás 12.00, cunha lectura continuada de textos do homenaxeado Florencio Delgado Gurriarán, e a exposición de maios na que participan diferentes asociacións de todo o Concello.

ARTIGOS RELACIONADOS

+ POPULAR

COMENTARIOS RECENTES