A Directora da Área de Investimento do IGAPE e a alcaldesa de Mos participan nunha mesa de traballo do comité de seguemento do lume do Polígono do Rebullón para xestionar un plan de revitalización da zona afectada.
A Directora da Área de Investimento do Instituto Gallego de Promoción Económica, Igape, Raquel Rodríguez Espiño, e o Técnico Responsable da Oficina Sur do Igape, Miguel Fidalgo Iglesias, vén de reunirse na Axencia de Colocación do Concello de Mos coa alcaldesa, Nidia Arévalo, o concelleiro de Urbanismo, José Areal, a concelleira de Promoción Económica, Desenvolvemento Empresarial e Emprego, Julia Loureiro, técnicos municipais, representantes das 6 empresas afectadas polo incendio do Polígono do Rebullón e da Mancomunidade á que pertencen, e membros da directiva da Asociación de Empresarios de Mos, AEMOS, entre eles o seu xerente, Franciso Domínguez.
Onte comezaron os traballos de demolición das naves industriais afectadas polo incendio do pasado 27 de marzo para os que a semana pasada se aprobou en sesión ordinaria da Xunta de Goberno Local do Concello de Mos a devandita licenza de demolición concedida á Mancomunidade de Propietarios Portela. A continuación a Mancomunidade debe tramitar a licenza para a nova construción das mesmas.
O desgraciado suceso acaecido no Polígono do Rebullón ocasionou terribles consecuencias para empresas e traballadores. É por elo que desde a data do lume, Mancomunidade de Propietarios, AEMOS, Concello de Mos e Xunta de Galicia traballan da man para apoiar e axudar aos afectados o máximo posible.
Neste senso celebrouse a xuntanza desta tarde, para que cada unha das partes implicadas permanezan debidamente informadas en tempo real da evolución da situación das empresas afectadas. Tratouse dunha reunión de seguemento para analizar en detalle as necesidades das empresas, tanto desde o punto de vista municipal como autonómico.
Algúns dos puntos abordados foron a xestión de posibles bonificacións fiscais por perda ou ralentización da actividade, bonificación do ICIO, da taxa do lixo, etc.
Tamén se trataron as solucións urbanísticas viables para a situación actual destas 6 empresas, que pasa pola aceptación da Mancomunidade, integrada polo total das 17 empresas que integran o polígono, que foi creada fai anos.
Da reunión desta tarde extraeuse a folla de ruta para unha intervención integral no polígono, en aras de que sexa viable a reconstrución da zona afectada. Así, tramitaranse unha serie de axudas, que implican importantes xestións previas, e traballarase nun plan de revitalización paralelo á reconstrución, no que estean involucrados Xunta, Concello e empresas.
Transcorrido mes e medio tras o incendio, reuniuse de novo nesta mesa de traballo o comité de seguemento, que ten como finalidade manter informadas a todas as partes implicadas dos pasos que se van dando cara unha unha solución definitiva. Nestas mesas de traballo o comité de seguemento recolle a evolución das distintas fases previas á consecución da solución final; polo que periódicamente continuaranse a celebrar reunións como a realizada esta tarde na Axencia de Colocación.
