Outro logra un 5º posto e outro a permanencia en 1ª Nacional do grupo Senior.
As 116 xogadoras dos 5 equipos da U.D. Mos Feminino foron recibidas no multiusos das Pozas polos excelentes resultados acadados nesta tempada.
O acto estivo presentado por Cristian Taibo, Director Deportivo da U.D. Mos, e contou coas intervencións dunha xogadora das categorías inferiores, Claudia Rodríguez Campo; da nai dunha xogadora, Mercedes Jorge; dun dos adestradores do U.D. Mos Feminino, Telmo González e a participación das veteranas deportistas de elite, a alpinista, atleta e corredora de trails Verónica Romero e Soledad Castro, atleta Medalla ao Mérito do Concello de Mos e cun pavillón municipal, o de Pena de Francia, co seu nome.
As xogadoras homenaxeadas contaron tamén cun vídeo sorpresa de Vero Boquete. A santiaguesa Verónica Boquete é futbolista centrocampista na Associazione Calcio Firenze Fiorentina da Serie A de Italia. Foi internacional coa selección española, da cal chegou a ser capitá. Desde febreiro de 2015 é embaixadora da UEFA para o desenvolvemento do fútbol feminino, e desde 2017 forma parte da comunidade de futbolistas CommonGoal, iniciativa que loita a favor da reintegración social da infancia.
Tamén lles dedicaron unhas palabras ás galardoadas Pablo Serodio, presidente Unión Deportiva Mos; Nidia Arévalo, alcaldesa de Mos e Susana López Abella, secretaria Xeral da Igualdade, que pechou o acto. Estiveron presentes ademais Fernando Iglesias, vicepresidente Real Federación Galega de Fútbol e Daniel Benavides, xefe do Servizo Provincial de Deportes da Xunta de Galicia en Pontevedra.
Pablo Serodio e Nidia Arévalo:
Susana López Abella:
O UD Mos Feminino vén de despuntar na presente tempada, logrando estas excepcionais xogadoras erixirse campioas en 3 das 5 ligas na que participaron e lograr a permanencia en Primeira Nacional.
Foron campioas da Liga Galega Infantil, campioas da Liga Galega Promesa, o UD Mos Feminino B foi campión de Segunda Autonómica Feminina, as cadetes foron quintas clasificadas na Liga Galega Cadete e o UD Mos Feminino Senior, logrou o 10º posto en Primeira Nacional Feminina, asegurando a permanencia.
