Segundo mellore a evolución desta sexta vaga a Xunta levantará máis restricións e, entre elas, segundo avanzou o vicepresidente primeiro Alfonso Rueda, a de presentar o certificado COVID, un requisito de momento avalado polo Tribunal Superior de Xustiza de Galicia (TSXG).
Alfonso Rueda:
Se continúa a evolución positiva na situación pandémica, Rueda confía en que se avanzará no levantamento de restricións, incluído o pasaporte covid:
«O pasaporte covid é unha medida que tivo utilidade no seu momento e que a segue a ter a día de hoxe. O TSXG ten que autorizar a súa aplicación, entenden que as circunstancias para solicitalo se manteñen. Pero tamén é certo que é unha medida que en canto se poida se levantará tamén», dixo Alfonso Rueda.
O vicepresidente galego entende que temos que tentar regresar á nosa vida normal canto antes.
