Un veciño de Salceda de Caselas fuxiu este xoves nunha camioneta tipo pick-up tras recibir o alto nun control policial e acabou emportando o seu vehículo contra un coche patrulla da Policía Local. Tal e como informou o medio, os dous axentes implicados no operativo —un home e unha muller— atopanse ben, aínda que permanecen baixo vixilancia médica. Tras o impacto, o conductor fuxiu e a Garda Civil mantén unha busca activa para dar con el, xa que polo momento se atopa en paradoiro descoñecido.
Os feitos sucederon arredor das 14.00 horas cando o turismo ignorou as indicacións dos axentes na rúa Vigo, desencadeando unha persecución polas rúas do municipio. A ruta continuou por varias vías locais até chegar ao barrio de Maceira, na parroquia de Parderrubias, incluíndo unha estrada paralela á PO-510. Durante o traxecto, o sospeitoso detivo o vehículo de maneira repentina e, cando os policías se dispuñan a identificalo, iniciou unha violenta manobra de marcha atrás para chocar contra o coche oficial.
Apoio institucional aos axentes
Tras o suceso, dende o Concello de Salceda trasladaron publicamente o seu apoio aos dous axentes afectados e desexáronlles unha pronta recuperación. A administración local tamén quixo agradecer o traballo diario que ambos desempeñan con profesionalidade e rigor ao servizo da cidadanía.
