jueves, julio 18, 2024
InicioNewsComarcasPonteareas celebra este sábado o Día da Xuventude

Ponteareas celebra este sábado o Día da Xuventude

Será o sábado día 15 de 16 a 21 horas na praza Maior para idades entre 12 e 35 anos

O Concello de Ponteareas, a través da concellería de Xuventude que dirixe Cristian Montes, convida a participar nas actividades do Día da Xuventude este sábado día 15 de 16:00 h 21:00 h.

Nesta actividade, financiada pola Xunta de Galicia, a xuventude participante terá diferentes alternativas de lecer que van dende o espazo de gastronomía saudable con propostas de cócteles sen alcol ao de experiencias artísticas co obradoiro de arte colaborativo.

Demostracións culinarias, futbolin humano, tiro con arco, espazo de construcións, xogo de escape e realidade virtual, kahoot, cimentos en xogo e puntos de información xuvenil e laboral ou recursos de igualdade, entre as moitas propostas de lecer que rematarán cos concertos de Alteanos e Black Lovers a partir das 20:30 horas na praza Maior. Esta programación está pensada para un público de entre 12 e 35 anos de idade.

A alcaldesa, Nava Castro, e concelleiro coinciden en salientar a calidade da proposta para celebrar o Día da Xuventude dun xeito divertido e saudable. O Concello de Ponteareas ten 3928 mozas e mozos de entre 15 e 30 anos que este sábado poderán celebrar o seu día con actividades de lecer e tamén procurar apoio nos puntos de orientación e información.

ARTIGOS RELACIONADOS

+ POPULAR

COMENTARIOS RECENTES