Os nenos cuxas familias traballen os dous proxenitores terán prioridade no acceso ás escolas infantís

O presidente da Xunta en funcións, Alfonso Rueda, avanzou hoxe que o Goberno autonómico “abrirá a vindeira semana” o período de solicitude de praza nas escolas infantís 0-3 da rede pública, “formada por 10.500 prazas nun total de 175 escolas infantís” repartidas polas catro provincias. Entre as novidades do vindeiro curso está, segundo resaltou, que os nenos con pais traballadores terán “aínda máis preferencia” á hora de acceder a este servizo xa que obterán máis puntuación no baremo total.