As familias con nenos ou nenas que compitan nun deporte como federados e teñan entre 6 e 16 anos recibirán un bono de 120 euros o ano vindeiro.
Unha partida que se incluirá no Orzamento da Xunta para 2024 e que o presidente da Xunta, Alfonso Rueda, adiantou esta mañá. Os orzamentos para o ano que vén estarán aprobados antes do 31 de decembro grazas a maioría absoluta do PP e entrarán en vigor o 1 de xaneiro.
Esta medida, que entrará en vigor en xaneiro cos orzamentos autonómicos, beneficiará a uns 135.000 alumnos.
A axuda poderán empregala para os desprazamentos ou para mercar material deportivo.
