sábado, marzo 2, 2024
InicioComarcasBaixo MiñoO grupo municipal do PP de Tomiño esixe cobertura inmediata para a...

O grupo municipal do PP de Tomiño esixe cobertura inmediata para a praza de tesoureiro municipal

- -A voceira municipal, Lara Meneses, cre imprescindible contar con este profesional, “xa que a falla dunha sinatura autorizada sempre causa problemas no abono das facturas e as pemes que traballan para o Concello non teñen que sufrir as consecuencias”

O equipo municipal do Partido Popular (PP) en Tomiño urxe ao goberno local que proceda á pronta cobertura da vacante deixada polo tesoureiro municipal tras a súa xubilación. A situación podería levar a retrasos significativos nos pagos a provedores, moitos dos cales son empresas locais. A voceira municipal, Lara Meneses, subliña a necesidade de contar canto antes cun profesional cualificado para evitar trastornos nos pagos e problemas contables.

A voceira sinala que, nun contexto dixitalizado, é esencial que o Concello cumpra con celeridade as súas obrigas económicas con provedores e pequenas e medianas empresas (pemes). «A situación económica actual, coa inflación e as necesidades de tesourería das empresas, require que os pagos se realicen sen demora», comenta Meneses.

Segundo a concelleira popular, durante o ano 2022, o prazo medio de pago a provedores situouse en 13 días desde a emisión da factura, pero este período incrementouse a máis de 19 días ao rematar o primeiro trimestre do 2023. A preocupación radica na posible dilación dos pagos debido á xubilación do tesoureiro municipal neste verán.

Lara Meneses critica a incapacidade do goberno local do BNG para xestionar a transición tras a xubilación do tesoureiro. A concelleira sinala que, a pesar dos esforzos para atopar solucións, non se conseguiu garantir a continuidade dun profesional cualificado nin a colaboración con outros concellos para compartiren recursos humanos.

«A falta dunha xestión adecuada podería levar a unha situación de funcionamento irregular co uso de tesoureiros accidentais por períodos curtísimos, o que non é unha solución sustentable», advirte Meneses. A voceira do PP agradece a colaboración da Xunta neste asunto e insta ao goberno local a asumir a súa responsabilidade e tomar medidas adecuadas para garantir unha xestión financeira eficiente.

O grupo municipal do PP de Tomiño demanda unha solución inmediata para cubrir a vacante do tesoureiro municipal, evitando así retrasos nos pagos a provedores e problemas contables que poderían afectar tanto ás empresas locais como á propia xestión municipal.

ARTIGOS RELACIONADOS

+ POPULAR

COMENTARIOS RECENTES