A historia da mestra redondelá Ernestina Otero protagoniza este mes de agosto o programa da Deputación “Aquí faltan páxinas”, un ciclo de relatos sonoros e conferencias que nace da colaboración da institución provincial con O Cable Inglés para dar a coñecer a traxectoria de mulleres galegas extraordinarias. Este xoves 10 de agosto, a Alameda Castelao de Redondela acollerá a partir das 20:00 horas un faladoiro sobre a docente conducido por Marián Fernández e impartido por Manuel Puga Pereira, neto de Ernestina, e Montse Fajardo. Ao encontro asistirá a deputada provincial de Igualdade, Sandra Bastos.
Podes escoitar a entrevista completa con Manuel Puga, aquí:
