O custo de organizar o macroxuízo polo descarrilamento do tren Alvia en Angrois (Santiago) en xullo de 2013 ascende a 931.759 euros por parte da Xunta, segundo destacou o vicepresidente segundo, Diego Calvo.
O inicio do xuízo por este tráxico accidente ferroviario ocorrido o 24 de xullo de 2013, con 80 falecidos e máis dun centenar de feridos, está previsto para o 5 de outubro no edificio CINC da Cidade da Cultura de Santiago, no monte Gaiás.
A xerente da fundación, Ana Vázquez, cifrou en máis de mil metros cadrados o espazo disposto para a súa celebración.
En concreto, serán 1.058 metros cadrados: 508 da sala de vistas (máis que a configurada para o xuízo do Prestige), 172 para oficinas xudiciais para a xuíza e fiscalía, 181 para a sala de prensa, 122 para a do público e 75 para a de togas e cafetaría.
