jueves, marzo 28, 2024
InicioNewsO PaísO paro baixa en Galicia en case 4.500 persoas en maio

O paro baixa en Galicia en case 4.500 persoas en maio

O paro reduciuse en Galicia no mes de maio en 4.482 persoas, un 2,96 % respecto ao mes anterior, ata 146.120 desempregados; mentres que o emprego creceu na comunidade con 6.751 afiliados máis de media á Seguridade Social, que alcanza 1.040.748 persoas rexistradas.

A ministra de Traballo, Yolanda Díaz:

Segundo o Ministerio de Traballo, no último ano o paro reduciuse en Galicia en 19.186 persoas, un 11,6 %; mentres que a redución anual media de España é case do dobre, o 22,7 %.

Respecto ao conxunto de España o número de desepregados baixou dos 3 millóns no quinto mes do ano que acaba de rematar.

O número de parados rexistrados nas oficinas dos servizos públicos de emprego reduciuse en 99.512 desempregados en maio (-3,3 %), o que situou o total de parados por baixo dos 3 millóns por primeira vez desde finais de 2008, cando se iniciou a crise financeira.

Maio pechou con 2.922.991 desempregados, o seu menor cifra desde novembro de 2008, segundo datos publicados este xoves polo Ministerio de Traballo e Economía Social.

O descenso do paro rexistrado en maio é inferior ao experimentado en igual mes de 2021, cando se reduciu en 129.378 desempregados, pero supera os retrocesos de maio de 2018 e de 2019, nos que baixou en algo máis de 80.000 persoas. En maio de 2020, en plena pandemia, o desemprego subiu en 26.573 persoas.

ARTIGOS RELACIONADOS

+ POPULAR

COMENTARIOS RECENTES