A liña onde se monta o Grand C4 Spacetourer, en Stellantis Vigo, no sistema M2, fabricarase en xullo a furgoneta Fiat Doblò, da que xa se produciron modelos de proba na planta de Balaídos, antiga PSA Peugeot Citroen.
Nin a empresa nin o grupo Stellantis anunciaron oficialmente a adxudicación deste proxecto, aínda que a industria auxiliar tamén ten noticias del.
Este modelo se ensambla actualmente en Turquía e a partir de xullo montarase tamén na planta de Vigo que se consolida como fábrica multimarca. Ensambla coches de Citroën, Peugeot, Opel, Vauxhall (Opel para o mercado británico) e Toyota, así que a italiana será a sexta marca.
Esta adxudicación para a planta de Vigo coincide coa despedida doutro vehículo. O Grand C4 Spacetourer (sete prazas) deixará de fabricarse o día 30 de xuño en Vigo tras case unha década e 16 anos despois da primeira versión, o C4 Picasso.
