sábado, junio 15, 2024
InicioNewsO PaísSanxenxo ofrece casa de balde para atraer médicos no verán

Sanxenxo ofrece casa de balde para atraer médicos no verán

 Ao ser un municipio tan atractivo para os veraneantes, o Concello de Sanxenxo decidiu ofrecer 4 vivendas aos 4 médicos que estean dispostos a exercer na localidade entre xullo e setembro, tendo en conta a carencia de profesionais para cubrir as consultas durante a época estival.

 

«Levamos meses falando con Sanidade para impulsar a contratación durante un período de sobreesfuerzo asistencial como é o verán», asegura Telmo Martín, alcalde de Sanxenxo. O rexedor é consciente da importancia de cubrir como corresponde as necesidades sanitarias, tanto dos veciños de Sanxenxo, como de quen lles visitan, polo que o concello optou por facerse cargo do aluguer durante estes meses das casas deses médicos que elixan Sanxenxo para traballar no verán.

Para iso a previsión é destinar 32.000 euros para alugar catro vivendas para outros tantos médicos. A oferta vai dirixida a médicos de calquera punto de España que estean dispostos a pasar este tres meses na localidade pontevedresa.

O xerente do Servizo Galego de Saúde (SERGAS), José Flores, asinou un acordo co alcalde para pór en marcha este plan piloto que, asegura, se funciona, podería trasladarse a outras localidades coas mesmas necesidades. «Todos coñecemos o déficit de médicos en atención primaria, e o que se busca é atraer profesionais de fóra de Galicia».

O presidente da Xunta, Alfonso Rueda, tamén valora positivamente a iniciativa sempre que sirva para atraer médicos.

Sanxenxo ten unha poboación de 17.300 habitantes no inverno e duns 140.000 nalgunhas semanas do verán.

ARTIGOS RELACIONADOS

+ POPULAR

COMENTARIOS RECENTES