O portavoz municipal do BNG na Coruña, Francisco Jorquera, anunciou este mércores que non repetirá como candidato á alcaldía en 2027 e que o seu cargo queda á disposición do partido.
Nunha roda de prensa na Coruña, Jorquera revelou que non volverá liderar a lista do BNG en 2027, aínda que non deixa a política e seguirá con “plena disposición a seguir contribuíndo e achegando”.
A súa retirada prodúcese tras ser tamén deputado no Congreso e no Parlamento galego, ademais de senador. Sobre as posibles candidaturas, asegurou que calquera das persoas que o acompañan no grupo municipal -Avia Veira, Mercedes Queixas e David Soto- están “sobradamente preparadas” e teñen a mocidade necesaria para dar á cidade “o impulso”.
