A asociación xuvenil Nós Somos Nós, do barrio salcedense de Castro Barreiro organiza, un ano máis, unha andaina nocturna que contará con probas e sustos e cun percorrido de 8 quilómetros, aproximadamente.
O evento terá lugar o sábado 20 de setembro a partir das 20:30 horas e o punto de partida será o Centro Cultural de Castro Barreiro. As e os asistentes deberán levar lanterna e chaleco.
Para participar, é preciso crear un grupo de entre seis e doce persoas e as inscricións estarán abertas ata o 15 de setembro a un prezo de seis euros por persoa.
As inscricións poden realizarse a través do correo electrónico asociacionnsn@gmail.com, na Cantina do Barreiro ou na Peluquería Conchi Pérez. Ao remate da actividade, a organización ofrecerá chocolate quente para todos os asistentes.
