A Valença Fortaleza de Chocolate está de regreso, entre 29 de novembro e 8 de decembro, repleta de doces tentacións, coa marca Chocolate. Showcookings, talleres de chocokids, delicias de chocolate e moita animación itinerante permanente prometen transformar Valença no «destino máis doce da Península Ibérica este Nadal».
Serán dez días para encantar e deleitar aos visitantes nunha feira mostra dedicada, en exclusivo, á degustación e compra de produtos á base de chocolate, presentados de tantas formas. Tamén regresa o certame, nun formato cheo de novidades. Será como feira mostra coa presenza de doceiros, pasteleiros, produtores de chocolate e chocolatiers portugueses e españois.
Fervenzas, fondues, crepes, waffles, farturas, brigadeiros, trufas, bombons e terróns serán algunhas das ofertas. Tamén espetadas de froita, bombocas, licores e tantos outros produtos estarán dispoñibles en Valença, sempre coa marca Chocolate.
O certame abre venres, 29 de novembro, ás 16.00 e estará aberto até ás 20.00 horas. Entre o sábado, 30 de novembro, e domingo, 8 de decembro, pódese visitar a feira entre as 10.00 e as 20.00 horas.
Ademais, a Praza da República, Praza do Goberno Militar, Baluarte do Faro e Largo do Bo Jesus serán os espazos da zona histórica que van acoller o evento. Fortaleza de Chocolate insérese na programación de Nadal promovida polo Concello. A axenda arranca, en Valença, a 29 de novembro e prolóngase até ás festividades dos Reis, o 5 de xaneiro.
