A Xunta de Galicia coordina o envío de douscentos profesionais, case un cento de vehículos e diverso material de emerxencias en apoio ás persoas afectadas pola catástrofe en Valencia. Anunciouno o presidente da Xunta de Galicia, Alfonso Rueda, quen agradece “a solidariedade de todos os galegos e galegas e o seu compromiso” tanto da cidadanía como dos profesionais que “voluntariamente se ofreceron nuns momentos nos que a súa axuda é especialmente necesaria”.
Pola súa banda, o director de Emerxencias de Galicia, Santiago Villanueva, explica en Si Radio que “debemos colaborar todos en Valencia, durante e despois da emerxencia”.
