A Organización para a Cooperación e o Desenvolvemento Económico ven de actualizar as súas proxeccións macroeconómicas para o Estado español, mellorando de maneira notable as estimacións de avance da riqueza nacional de cara ao peche do presente exercicio. Segundo os datos publicados pola institución internacional, o Produto Interior Bruto nacional experimentará un incremento do 2,6% ao longo deste ano, o que supón unha revisión catro décimas superior en comparación coas estimacións baralladas con anterioridade.
De cara ao vindeiro ano, o organismo sitúa a proxección de crecemento nun 1,8%, o que representa unha leve corrección á alza dunha décima respecto aos informes previos. Con todo, este dinamismo na actividade económica vén acompañado dun axuste no indicador de prezos. A organización sitúa a previsión de inflación media para este ano no 3,7%, un factor que reflicte a persistencia das presiones sobre o custo da vida a pesar do bo comportamento xeral da macroeconomía e da creación de emprego nas principais actividades produtivas.
