Un grave caso de violencia machista sacudiu este mércores o cuartel da Garda Civil en Llanes, Asturias, onde un axente natural de Ferrol e destinado en Zamora matou a tiros a súa expareja, unha muller tamén pertencente ao corpo e con quen tiña tres fillos. Tal e como indicaron fontes próximas á investigación, a vítima atopábase rexistrada no sistema VioGén por denuncias previas de malos tratos, mentres que o agresor contaba con expedientes abertos pola mesma causa e recibira días atrás a resolución de separación do servizo.
O suceso tivo lugar pouco antes das 13:30 horas cando, carente xa de arma regulamentaria tras ser apartado, o agresor empregou unha arma presuntamente sostraída das taquillas ou arrebatada a un compañeiro para cometer o crime. Durante a agresión, un tenente acudiu en auxilio da muller e resultou ferido grave nunha perna ao recibir un disparo, mentres que outros efectivos presentes repeleron a huída do atacante coas súas armas regulamentarias, abátndoo e falecendo este arredor das 15:30 horas mentres recibía atención sanitaria nunha UVI móbil. A Delegación do Goberno contra a Violencia de Xénero investiga os feitos, que elevarían a 34 as mulleres asesinas por violencia machista no que vai de ano.
