domingo, mayo 19, 2024
InicioA terraA nosa culturaFrancisco Castro en concerto en Mos para celebrar as Letras Galegas

Francisco Castro en concerto en Mos para celebrar as Letras Galegas

Estará acompañado da Banda dos Borges, músicos de gran traxectoria e recoñecemento, e ofrecerá un repertorio de cancións en galego da súa autoría, fusión musical entre o rock, o pop, e o funkie

A alcaldesa de Mos, Nidia Arévalo, a concelleira mosense de Cultura, Sara Cebreiro, e o deputado de Reto Demográfico, Xuventude e Desenvolvemento Rural e Cultura, Jorge Cubela López, acompañaron ao propio cantautor, Francisco Castro, no concerto que este dará co seu grupo, a Banda dos Borges, para celebrar o Día das Letras Galegas en Mos.


O concerto, promovido e organizado polo Concello de Mos grazas ao apoio económico da Deputación de Pontevedra terá lugar o 17 de maio ás 22.00h no Pazo de Mos con entrada libre e gratuíta.


Mos conmemorará deste xeito as Letras Galegas 2024, adicadas á autora Luísa Villalta, cun concerto de Francisco Castro e a Banda dos Borges no que presentarán o seu 1º disco titulado Agora é o Tempo.


Ofrecerán un repertorio de cancións en galego autoría de Francisco Castro. Cunha fusión musical entre o rock, o pop, e o funkie de ritmos pegadizos. Trátase dunha banda de músicos de gran traxectoria e recoñecemento con Francisco Castro á cabeza (Voz/ Guitarra). Completan o elenco Federico Welicki ao baixo, Verónica Santalices e Erika Welicki Santalices nos coros, Paulo Da Lima Silva na batería, Daniel Figueroa Troncoso á guitarra, Víctor Vega Pérez tamén guitarra e René Zerpa aos teclados.

ARTIGOS RELACIONADOS

+ POPULAR

COMENTARIOS RECENTES