A mostra de dinosaurios animatrónicos “Dinosauria Experience” estará instalada na rúa Leandro Diz, o sábado 15 e o domingo 16 de outubro
A gran exposición de dinosaurios animatrónicos “Dinosauria Experience” chega ao porriño esta fin de semana con máis de 30 dinosauros e o grandioso T-rex branchiosaurus xigante de máis de 10 metros de altura.
A mostra estará instalada na rúa Leandro Diz, o sábado 15 e o domingo 16 de outubro, en horario de mañá e tarde, de 11.00 a 14.00 e de 17.00 a 20.00 horas. A entrada será gratuíta para os menores de 3 anos e terá un prezo de 6 euros para os nenos e nenas de 3 a 12 anos e de 10 euros para adultos. As entradas cómpranse directamente no despacho de billetes do recinto os días de apertura.
