Os mandatarios autonómicos e nacionais insisten en dicir que a volta ao cole deste 10 de xaneiro é segura. Pero esa mensaxe coincide coa previsión de acadar estes días o pico da sexta vaga e con 9.000 estudantes contaxiados de coronavirus.
Unha aula pecharase neste segundo trimestre do curso cando nela haxa un mínimo de 5 alumnos positivos ou un 20% do total.
En secundaria, os estudantes que foran contactos estreitos dun positivo non farán corentena se teñen a pauta completa e non presentan baixa.
A Consellería de Sanidade asegura que inda quedan puntos dese protocolo sen pechar entre Goberno e comunidades autónomas; por exemplo, a franxa de idade para eliminar as corentenas de toda unha aula cando haxa cinco ou máis positivos, inda que a idea é que sexa a partir de secundaria.
Ademais dos autotests, Sanidade vai seguir coa vacinación infantil. Entre mañá e o xoves porán as 36.000 doses que teñen previsto recibir hoxe. Neste momento, o 60 % dos menores de 12 anos xa teñen polo menos unha dose, unha porcentaxe que case duplica a media española, que vai no 32 %. Calculan que a mediados de febreiros xa poderían ter todos a pauta completa. .
Os pais e nais teñen á súa disposición test de saliva gratuítos para os seus fillos nas farmacias; un por neno.
A consellería urxe empezar a vacinar ademais o grupo de 30 a 39 anos.
