A Xunta fixa uns investimentos iniciais de 13,3 millóns para Condado e Paradanta

Contémplase nos Orzamentos de 2022 da administración autonómica.

A Xunta de Galicia vén de fixar uns investimentos iniciais de 13.357.782 euros para as comarcas do Condado e A Paradanta no proxecto de Orzamentos 2022, segundo informou hoxe o delegado territorial en Pontevedra, Luis López, que considera que estas achegas “serán fundamentais para o desenvolvemento e o progreso desta contorna do interior da provincia”.

“O punto de partida para O Condado e A Paradanta por parte da Xunta xurde do noso compromiso con estas bisbarras e está fixado en máis de 13 millóns de euros, unha contía que vaise ampliar con total seguridade a través dos plans, convenios, ordes de axudas ou novos proxectos que xurden ao longo do ano”, manifestou o representante autonómico.

O delegado territorial salientou que as principais actuacións céntranse na corrección do Tramo de Concentración de Accidentes (TCA) na PO-403, o cofinanciamento da depuradora ou o obradoiro de emprego en Ponteareas, a planta de tratamento de residuos de Arbo, o Grupo de Emerxencias Supramunicipal (GES) da Cañiza, o solo empresarial das Neves e a ciclovía a Monçao ou a rehabilitación do CEIP Felipe Borbón en Salvaterra.

“Os principais investimentos, por contía ou singularidade, superan os 8 millóns de euros, pero as contas da Xunta tamén contemplan de xeito específico para O Condado e A Paradanta outras actuacións en instalacións deportivas, novas tecnoloxías, silvicultura, limpeza de montes e desbroces, obras educativas, transporte ou dixitalización no ensino ata alcanzar os citados 13 millóns”, significou o delegado territorial.

Os investimentos por concellos: