O suceso rexistrado na madrugada do pasado mércores en Bertamiráns (Ames) estivo precedido dunha viaxe expresa dende Lugo do agora detenido para atoparse coa vítima. Tal e como informou a Garda Civil no marco da operación LUCASI1, ambos os dous mantiñan relación desde facía arredor dun ano por actividades vinculadas ao motor —un extremo que xa apuntaran os veciños ao escoitar referencias a pezas como unhas llantas durante a discusión previa—. Tras un altercado físico na intersección entre a avenida da Maía e a Travesía da Peregrina, o peón emprendeu o camiño a pé cara á súa casa cando o sospeitoso subiu ao seu vehículo, realizou un cambio de sentido brusco e acelerou de forma considerábel para arrollalo frontalmente cando cruzaba a calzada.
O impacto provocou que o home saíse despedido e sufrise traumatismos de extrema graveza, falecendo posteriormente no Hospital Universitario de Santiago de Compostela malia as manobras de reanimación practicadas polos servizos sanitarios. A vítima, de orixe brasileira e con longa residencia en Galicia, estaba afincada en Bertamiráns coa súa muller e unha filla, ademais de ter outro fillo. Tras a inspección do turismo implicado, o condutor foi localizado e detenido nas inmediacións, estando previsto que este venres sexa pósto a disposición do Tribunal de Instancia de Santiago. A investigación inicial indiciaria, que apuntaba inicialmente a un presunto delito de asasinato por alevosía, encauza agora as dilixencias como un presunto homicidio.
