O secretario de Estado de Sanidade, Javier Padilla, vén de asegurar que a corentena para os pasaxeiros do MV Hondius, onde deu inicio a epidemia de hantavirus, contarase a partir do día 6 de maio e poderá ter unha duración de ata 42 días.
Segundo explicou o referente, a data designouse en análise conxunta coa Organización Mundial da Saúde (OMS), o Centro Europeo para a Prevención e Control de Enfermidades (ECDC) e o Centro de Control de Alertas e Emerxencias Sanitarias de España.
Así, a fixación do 6 de maio como último día de contactos a partir do cal se establece a corentena, realizouse tras a “análise pormenorizada de todas as relacións que tiveron lugar dentro do barco”. Deste xeito, a partir desa relación de contactos, habería que “estender eses 42 días”, asegurou o secretario de Estado de Sanidade.
Do mesmo xeito, explicou que a primeira semana será “máis estrita”, e durante a mesma obterase o resultado da primeira e a segunda PCR e os 14 españois afectados non poderán recibir visitas. A partir de aí, “volverase a reavaliar a situación”, asegurou.
