Un home de 47 anos faleceu tras declararse un incendio na súa vivenda esta madrugada no concello pontevedrés de As Neves. Concretamente, os feitos ocorreron na parroquia de Taboexa e foron os veciños os que se decataron do lume e deron o aviso.
Arredor das sete desta mañá, o 112 Galicia recibía o aviso sobre un incendio nunha vivenda situada no lugar do Candón, na parroquia de Taboexa, nas Neves.
Segundo explicou a persoa que deu a alerta, a csaa fumegaba, polo que interpretou que podería levar tempo ardendo co veciño no interior. Á chegada do equipo de emerxencias, confirmouse que o home estaba dentro e sen vida.
De igual xeito, observaron que o incendio estaba confinado, case extinguido. As zonas afectadas da vivenda foron o salón e a cociña, aínda que o fume chegou á totalidade da vivenda.
Ata o lugar desprazáronse membros do GES-Bombeiros de Ponteareas, así como os Bombeiros do Baixo Miño e profesionais de Urxencias Sanitarias de Galicia-061. Tamén, axentes da Garda Civil.
