A folga ferroviaria, prevista para este luns, martes e mercores, está a provocar atrasos nos trens en Galicia, onde os servizos mínimos están a prestarse, segundo informan fontes de Renfe.
Con todo, a folga do sector ferroviario manterá o 65 % dos trens de media distancia e o 73 % da alta velocidade, segundo recolle o decreto asinado polo Ministerio de Transportes, consultable desde a web do operador público.
Esta redución das frecuencias prodúcese despois de que, desde o xoves e durante as seguintes 72 horas, estivesen suspendidas todas as frecuencias con orixe ou destino Vigo, que se foron recuperando progresivamente desde a noite do sábado. Ao mediodía do domingo, case todos os servizos foron reestablecidos.
Os sindicatos reivindican “un cambio estrutural na seguridade do sistema ferroviario español”, tras os accidentes de Adamuz (Córdoba) e Gelida (Barcelona) e reclaman “máis investimentos” e que “non se externalicen os traballos en empresas privadas”.
