O Concello de Mos continúa durante esta semana co desenvolvemento do programa “Vivindo as parroquias”, unha iniciativa de encontros coa veciñanza que aposta polo diálogo directo, a proximidade e a participación cidadá como eixes da acción municipal.
Tralas as reunións celebradas xa en Mos, Torroso, Pereiras e Petelos, o calendario continúa agora con novos encontros en Cela, Louredo e Dornelas, nos que o goberno local manterá un contacto directo coa veciñanza para escoitar propostas, atender inquedanzas e informar sobre os proxectos xa realizados e as actuacións previstas.
As próximas reunións celebraranse segundo o seguinte calendario:
- Cela – luns, 26 de xaneiro, ás 19:00 horas, en Celado.
- Louredo – mércores, 28 de xaneiro, ás 19:00 horas, no Local Social da
Comunidade de Montes de Louredo. - Dornelas – xoves, 29 de xaneiro, ás 19:00 horas, no Local Social Veciñal.
Arévalo subliñou que “este programa chegará a tódalas parroquias do municipio, reafirmando unha xestión próxima, transparente e centrada nas persoas”.
![Pinterest](https://pinterest.com/pin/create/button/?url=https://www.siradio.gal/2026/01/26/mos-continua-o-ciclo-vivindo-as-parroquias-con-reunions-en-cela-louredo-e-dornelas/&media=https://www.siradio.gal/wp-content/uploads/2026/01/Reunion-Petelos2.jpeg&description=O programa "Visitando a túa parroquia" xa fixo a súa parada nas parroquias de Mos, Torroso, Pereiras e Petelos){kind=link}