Un total de catro citas musicais completarán o novo ciclo de concertos que acollerá este ano a cidade olívica con motivo do centenario da doazón do Pazo á cidade. Os recitais terán lugar durante os domingos do mes de xullo, nos xardíns do Pazo de Castrelos ás 12:30 horas. Ademais, o acceso aos mesmos será libre e gratuíto.
Así, nunha aposta do goberno local pola música feita dende Galicia así como por unha variedade de estilos musicais, durante as catro xornadas actuarán os grupos e artistas Caamaño&Ameixeiras, Carla Lourdes, Antifrágil e Helena Egea.
Os e as artistas foron elexidas a través dunha convocatoria pública realizada polo Concello de Vigo á que se presentaron 59 candidaturas. Desas 59, foron elexidas as catro anteriormente mencionadas.
Datas dos concertos
- 6 de xullo: Caamaño&Ameixeiras, con música tradicional galega actualizada.
- 13 de xullo: Carla Lourdes, con estilo pop.
- 20 de xullo: Antifrágil, con música rock.
- 27 de xullo: Helena Egea, cunha mistura musical entre o jazz, blues, pop e folk.
Este novo ciclo musical, súmase ás xa tradicionais actuacións no Auditorio de Castrelos no que este ano actuarán:
- Ana Belén: Sábado 12 de xullo
- Gente de Zona: Xoves 17 de xullo
- Trueno: Venres 18 de xullo
- The Black Keys: Luns 21 de xullo
- Rozalén: Xoves 24 de xullo
- Coral Casablanca: Sábado 26 de xullo
- Vanesa Martín: Xoves 31 de xullo
- Ópera La Traviata: Venres 1 de agosto
- Jason Derulo: Venres 8 de agosto
- Ópera Turandot: Sábado 9 de agosto
- UB40 (Ali Campbell): Venres 15 de agosto
- India Martínez: Sábado 16 de agosto
