Candidatura oficializada. Alfonso Rueda presentou máis de 7.000 avais para formalizar a súa aspiración a presidir o PPdeG. O vicepresidente da Xunta e presidente do PP de Pontevedra adiantou que seguirá o camiño de Feijóo pero porá tamén “o estilo Rueda”.
Alfonso Rueda:
O inminente novo presidente galego, Alfonso Rueda, entregou este xoves máis de 7.000 avais para formalizar a súa candidatura a liderar o PPdeG tras a dimisión de Feijóo, esixida polos estatutos do partido para poder presidir o PP nacional.
Antes de dirixirse ao Consello da Xunta, o último que presidirá Feijóo antes de entrar en funcións, porque dimitirá de inmediato, Rueda levou os seus avais a sede autonómica do partido. A súa será a única candidatura tras recibir o respaldo das catro provincias e os seus dirixentes.
“É unha enorme responsabilidade que tantas persoas nas catro provincias manifesten o seu apoio neste momento”, manifestou Rueda no acto de entrega.
Avanzou que dará continuidade ao traballo feito por Feijóo no partido, pero tamén prevé imprimir o seu propio “estilo Rueda” no día a día e no futuro organigrama.
