O Goberno central aprobou este martes un indulto parcial para a expresidenta do Parlamento de Cataluña e dirixente de Junts, Laura Borràs, que reduce a súa condena de prisión de catro anos, seis meses e un día ata os dous anos, permitíndolle así esquivar o ingreso en cárcere. Con todo, a medida de gracia —comunicada de xeito escueto polo Ministerio de Xustiza no último Consello de Ministros antes do descanso estival e sen referencias na rolda de prensa de Pedro Sánchez— mantén intacta a pena de inhabilitación de 13 anos.
A decisión provocou un profundo malestar no seo do PSOE, onde varios cargos cuestionaron a idoneidade de perdoar un delito de corrupción en plena axenda sensible e criticaron que se fixese «de tapadillo». O presidente de Castela-A Mancha, Emiliano García-Page, censurou duramente a «agosticidad» da medida en declaracións á Cadena Ser e cualificuna de incoherencia que dana a credibilidade na loita contra a corrupción. Pola súa banda, o presidente do Goberno justificou o indulto baseándose nunha resolución do Tribunal Superior de Xustiza de Cataluña (TSJC) que cualificaba a pena de excesiva, mentres desvinculou totalmente a decisión de calquera xesto político cara ao independentismo ou aos Presupostos Xerais do Estado.
