Galicia terá este ano un total de 108 praias en 35 municipios galardoadas coa bandeira azul, un distintivo de carácter internacional co que a Asociación de Educación Ambiental e do Consumidor (ADEAC) recoñece anualmente a areais de todo o mundo seleccionados en base a unha serie de rigorosos criterios de sustentabilidade, accesibilidade e servizos.
Desde xeito, Galicia concentra case unha de cada seis bandeiras concedidas en España (642) e consolida a súa posición entre as tres comunidades que reciben un maior número de distintivos para as súas praias, xunto con Valencia (que suma 143) e Andalucía (138).
Dos 108 areais galegos galardoados na presente edición, cómpre subliñar que O Mende,
en Vigo, recibe este distintivo por primeira vez. Ademais, outros dous —Grande, en Miño, e San Francisco, en Muros— recuperan este ano a bandeira que non luciron en 2024.
Así mesmo, ADEAC tamén deu a coñecer a relación de portos deportivos nos que ondeará a bandeira azul. Das 101 instalacións recoñecidas no conxunto do país, 12 están en Galicia, unha máis que na pasada edición, xa que entra na listaxe o Liceo Marítimo de Bouzas (Vigo), un porto que, ademais, se estrea entre os galardoados.
De igual xeito e aínda que neste caso non lucirán bandeira como tal, ADEAC recoñeceu un
ano máis o labor dos chamados centros azuis, categoría na que se engloban aulas de natureza e de mar, centros de recepción de visitantes e instalacións similares dedicadas á educación ambiental en municipios relacionados co programa Bandeira Azul.
Dos 92 centros azuis que haberá este ano en todo o país, 17 están en Galicia, que é a segunda comunidade con máis distincións neste eido, só por detrás de Valencia, con 23.
Neste apartado, destaca a incorporación do Museo-Centro de interpretación Mar do Sorrizo, en Arteixo, e do visor submarino Nautilus, localizado nas instalacións da Autoridade Portuaria de Vigo, xa que se estrean en ambos casos como centros azuis.
Os criterios esixidos por ADEAC para a concesión da bandeira azul nas praias e portos están relacionados coa calidade das augas, a seguridade e a accesibilidade, a dotación de servizos e a xestión ambiental e a sustentabilidade.
Pola súa banda, os centros azuis deben fomentar a educación ambiental no litoral, o coñecemento da contorna e as alternativas de ocio.
Praias con bandeira azul en Galicia
PROVINCIA DA CORUÑA
Concello da Coruña
- As Lapas
- Orzán-Matadero
- Oza
- Riazor
- San Amaro
Concello da Laracha
- Caión
Concello da Pobra do Caramiñal
- Lombiña-Cabío
Concello de Arteixo
- A Salsa (Repibelo)
- Barrañán
- Combouzas
- Porto de Suevos
- Sabón
- Valcovo
Concello das Pontes de García Rodríguez
- Lago das Pontes
Concello de Bergondo
- Gandarío
Concello de Camarñas
- Arou
Concello de Carballo
- Pedra do Sal
- Razo
- Saíñas
Concello de Dumbría
- O Ézaro
Concello de Ferrol
- A Fragata-O Pareixal
- Caranza
- Doniños
- Esmelle
- San Xurxo
Concello de Laxe
- Laxe
Concello de Malpica de Bergantiños
- Area Maior
- A Ribeira
Concello de Miño
- Grande
- Perbes-Andahío
Concello de Muros
- San Francisco
Concello de Oleiros
- Bastiagueiro
- Espiñeiro
- Mera
- Naval
- Santa Cristina
Concello de Ponteceso
- A Ermida
- Balarés
- O Osmo
PROVINCIA DE LUGO
Concello de Barreiros
- Coto
- Fontela Valea
Concello de Burela
- A Marosa
Concello de Cervo
- O Portelo
- O Tomo
Concello de Foz
- A Rapadoira
- Areoura
- As Polas
- Llás
- Peizás
Concello do Vicedo
- Abrela
- Xilloi
Concello de Ribadeo
- As Catedrais
- Os Castros-Illas
Concello de Viveiro
- Area
Concello de Xove
- Esteiro
PROVINCIA DE PONTEVEDRA
Concello da Guarda
- Area Grande
- O Muíño
Concello da Illa de Arousa
- Area da Secada
- Bao (Camaxe)
Concello de Baiona
- Barbeira
- Concheira
- Frades
- Ladeira
- Ribeira
- Santa Marta
Concello de Bueu
- Area de Bon
- Lagos
- Lapamán
Concello de Marín
- Portocelo
Concello de Moaña
- Portomaior
- Aguete
- Mogor
- Portocelo
- Santo do Mar-A Coviña
- O Con
Concello de Poio
- Cabeceira
- Xiorto
Concello de Ponte Caldelas
- A Calzada (praia fluvial)
Concello de Sanxenxo
- A Lapa
- Agra
- Areas
- Areas Gordas
- Baltar
- Bascuas
- Canelas
- Caneliñas
- Foxos
- Major
- Montalvo
- Nosa Señora da Lanzada
- O Espiñeiro
- Panadeira
- Paxariñas
- Pragueira
- Silgar
Concello de Vigo
- Argazada
- A Fontaíña
- A Punta
- Canido
- Carril
- Fortiñón
- O Adro
- O Mende *
- O Vao
- Rodas (Illas Cíes)
- Santa Baia
- Tombo do Gato
Concello de Vilagarcía de Arousa
- Campanario
- Compostela
