Galicia incorpora “tres novas enfermidades ao cribado neonatal que permitirá detectar ata 37 doenzas conxénitas”, segundo anunciou o presidente da Xunta, Alfonso Rueda.
Así se recolle no informe sobre a ampliación do programa galego para a detección precoz de enfermidades endocrinas e metabólicas que foi presentado no Consello da Xunta. Deste xeito, “a aposta do Goberno Galego pola detección temperá permite intervencións máis efectivas e evita complicacións severas no desenvolvemento dos neonatos” segundo apuntou o presidente do executivo galego.
As enfermidades que se incorporan son a adrenoleucodistrofia ligada ao cromosoma X (X-ALD), a mucopolosacaridiosis tipo I (MPS I) e a enfermidade de almacenamento de glicóxeno tipo II (Pompe) para poder diagnosticalas e comenzar os tratamentos antes de que os síntomas sexan clinicamente evidentes.
Así, “Galicia continúa sendo a comunidade autónoma de España que ofrece o cribado máis amplo, moi por riba das 11 patoloxías que actualmente marca como mínimo o Ministerio de Sanidad” aseguran dende o executivo galego.
