Condenada a dous anos de cárcere por vender cocaína en Vigo

O tribunal considerou probado que a acusada, o 24 de xaneiro de 2023, na rúa Jenaro de la Fuente, concertou cunha persoa a entrega, a cambio de cen euros, dun envoltorio que contiña catro gramos de cocaína, cunha pureza do 78 % e cun valor no mercado ilícito de 448 euros. En concreto, a Sala condenouna como autora dun delito de tráfico de drogas, na súa modalidade de substancias que causan grave dano á saúde. Ademais dos dous anos de prisión, impúxolle o pagamento dunha multa de 250 euros.